МжМ / Қазақша сөйлеу қиын ба?

#mediumnews

20.10.2022

Қазақша сөйлеу қиын ба? / О сложностях и важности знания казахского языка

Қазақ тілді қазақтар мен орысша сөйлейтін қазақтардың арасында түсінбеушілік, кекілжін болып тұратыны жасырын емес. Ұлты қазақ азаматтардың ана тілінде сөйлеуіндегі қиындықтары қандай? Айыптамас бұрын, анықтап көрейік. Ол үшін біз 25-42 жас аралығындағы 3 кейіпкермен сұхбаттастық. Қазақ тілін қалай үйреніп жүр? Ана тілін білмеуге не себеп болды? Сыртқы тараптан қандай сын естіді? Келеке ету, ұрысу оларға қалай әсер етеді? Әлеуметтанушы негативті реакция неге болатынын түсіндірді. Ал саясаттанушы әрі жазушы Бақытжан Бұхарбай қызық пікірлерімен бөлісті. Qazaq Grammar тіл белсенділері қазақ және басқа тілдерді дамытуға бөлінген мемлекеттік қаражат, «Руханят» ұйымының жұмысына қатысты ойларын ортаға салды.

Бұл шығарылым айыптаудың орнына қолдау көрсетудің қажеттілігі, қазақша сөйлеудің және бір ұлт өкілдері ретінде бір тілде сөйлеудің, бірліктің маңызы жайлы ой салады деп үміттенемін. «Өз тілің – бірлік үшін, өзге тіл – тірлік үшін».